មន្ត្រីអគ្គិសនីម្នាក់ ត្រូវស្ត្រីម្ចាស់ផ្ទះ និងប្អូនប្រុសកាប់ ពេលចុះទៅពិនិត្យកុងទ័រភ្លើង
15-January-2016 | ដោយ មួយឡា
ភ្នំពេញ៖ មន្ត្រីអគ្គីសនីម្នាក់បានរងរបួស ក្រោយពីត្រូវស្ត្រីជាម្ចាស់ផ្ទះ និងប្អូនប្រុសកាប់នឹងដាវសាំម៉ូរៃ ខណៈដែលជនរងគ្រោះ និងក្រុមការងារ បានចុះទៅពិនិត្យកុងទ័រភ្លើងនាព្រឹកថ្ងៃទី១៥ ខែមករា ឆ្នាំ២០១៦នេះ ស្ថិតនៅសង្កាត់បឹងទំពុន ខណ្ឌមានជ័យ រាជធានីភ្នំពេញ។
ខណៈដែលជនរងគ្រោះចុះទៅពិនិត្យកុងទ័រភ្លើងនៅផ្ទះខាងលើនោះ ស្រាប់តែស្ត្រីម្ចាស់ផ្ទះ បានស្រែកឲ្យថាមន្ត្រីអគ្គីសនីពុករលួយ ពេលនោះជនរងគ្រោះមិនបានតមាត់ តសំដីនោះឡើយហើយក៏បានដើរចេញ។
ពេលនោះស្ត្រី ជាម្ចាស់ផ្ទះនិងប្អូនប្រុសបានជិះម៉ូតូប្រដាប់ដោយ ដាវសាំម៉ូរៃទៅកាប់ជនរងគ្រោះបណ្តាលឲ្យរងរបួសតែម្តង។
ក្រោយកើតហេតុកម្លាំងនគរបាលមូលដ្ឋាន បានចុះទៅជួយអន្តរាគមន៍ ហើយឈានទៅដល់ការចាប់ខ្លួនជនបង្កទាំង២នាក់យកទៅសួរនាំដើម្បីចាត់វិធានការតាមនីតិវិធីច្បាប់៕
ប្រភព៖ areynews
ចំនួនអ្នកទស្សនា
- ថ្ងៃនេះ481
- ម្សិលមិញ15191
- សប្តាហ៍នេះ43631
- ខែនេះ65511
- ឆ្នាំនេះ65511
- សរុប20507967